25 novembre 2011
Danser le branle limousin
15 novembre 2011
video chants
7 Branles
Chants de l'annada lemosina per dançar lo branle
19 septembre 2011
23 juillet 2011
25 juin 2011
Estapa 34 : Valarauga - Serra de la Luseta - Lo Vigan - Avesa
09/05/11
Gard (30)
GR : 62C - 60 - 60A - 7
"Li nivo iron si coumpagno
E li roucas si paiòu
Quand, i calo di mountagno
Dins lou païs Cevenòu
Cambo lèsto, closco duro
Pèd de ferre, man seguro
De la valengo à l'auturo
Se bendavon li Raiòu."
André Chamson - "Li nivo iron si coumpagno"
Au despart de Vilarauga, a l'Ofice dau torisme quò es mau indicat e en luoc de prener lo GR 62C prene lo PR rosseu qu'es força pendut per pujar vers lo suc de La Luseta que mena vers lo Vigan. Torne trobar lo GR mai naut (chau contunhar sus la rota de l'Aigoal per s'endralhar sus lo bon GR).
Quò es una montada penosa e pentosa... que chau passar de 450 a 1250 metres au Còl de la Bareta . Me pause de temps en temps en visar l'immensitat dau paisatge e la mendror umana dins la valada. Me'n chau sonhar lo mau per lo mau e per mai alenar deve bufar fortament. Laidonc, façiá a la valada lançe "Quand lo pastor vai deslargar", una chançon anciana dau grope "Los del Sauvetaire". Benleu que m'an auvit a Vilarauga mai sus lo Mont Aigoal, a l'observatori. Un tropeu d'ovelhas blanchas e quauquas negras fujisson a mon arribada. Vese pas de pastre que lo tropeu es en autogestion a minjar la bruja. Apres un "Aitau tondem la lana d'aqueus blancs moltons" en lor onor, marende a 1000 m dins un bosquet de pin. Un faucon giscla e se'n vai tornar trobar son amija vers lo Còl del Pas ont ere aier ; quela libertat miladieus !
Au Còl de la Luseta arribe a la tomba d'Andre Chamson e de la soa femna. Curios ! Es escrich "Andre Chamson de l'Academia francesa e Lelette nascuda Lucie Mazaurie ; 1900- 1983". Era tanben Majorau dau felibritge mas l'i es pas marcart. Nonmas es escrich "Résister". Chau resistar tanben contra l'aboliment de la nòstra lenga, los Cevenòus !
Arribe au punt lo mai naut puei es la davalada sus Lo Vigan. Ai agut mestier de mos 2 litres d'aiga que sus aquel bocin l'i a pas d'aiga dau tot. Trauche Lo Vigan vers lo sud e lo Chasteu d'Assas per trobar lo GR 7 en riba de l'Arre que segue d'aicia Avesa. Quau plaser aquela aiga que riala apres lo manca d'aiga amont-naut.
Quò es un tresaur d'aparar contra los trolhaires rapiares.
Ivon
Estapa 35 : Valarauga - Serra de la Luseta - Lo Vigan - Avesa
09/05/11
Gard (30)
GR : 62C - 60 - 60A - 7
"Li nivo iron si coumpagno
E li roucas si paiòu
Quand, i calo di mountagno
Dins lou païs Cevenòu
Cambo lèsto, closco duro
Pèd de ferre, man seguro
De la valengo à l'auturo
Se bendavon li Raiòu."
André Chamson - "Li nivo iron si coumpagno"
Au despart de Vilarauga, a l'Ofice dau torisme quò es mau indicat e en luoc de prener lo GR 62C prene lo PR rosseu qu'es força pendut per pujar vers lo suc de La Luseta que mena vers lo Vigan. Torne trobar lo GR mai naut (chau contunhar sus la rota de l'Aigoal per s'endralhar sus lo bon GR).
Quò es una montada penosa e pentosa... que chau passar de 450 a 1250 metres au Còl de la Bareta . Me pause de temps en temps en visar l'immensitat dau paisatge e la mendror umana dins la valada. Me'n chau sonhar lo mau per lo mau e per mai alenar deve bufar fortament. Laidonc, façiá a la valada lançe "Quand lo pastor vai deslargar", una chançon anciana dau grope "Los del Sauvetaire". Benleu que m'an auvit a Vilarauga mai sus lo Mont Aigoal, a l'observatori. Un tropeu d'ovelhas blanchas e quauquas negras fujisson a mon arribada. Vese pas de pastre que lo tropeu es en autogestion a minjar la bruja. Apres un "Aitau tondem la lana d'aqueus blancs moltons" en lor onor, marende a 1000 m dins un bosquet de pin. Un faucon giscla e se'n vai tornar trobar son amija vers lo Còl del Pas ont ere aier ; quela libertat miladieus !
Au Còl de la Luseta arribe a la tomba d'Andre Chamson e de la soa femna. Curios ! Es escrich "Andre Chamson de l'Academia francesa e Lelette nascuda Lucie Mazaurie ; 1900- 1983". Era tanben Majorau dau felibritge mas l'i es pas marcart. Nonmas es escrich "Résister". Chau resistar tanben contra l'aboliment de la nòstra lenga, los Cevenòus !
Arribe au punt lo mai naut puei es la davalada sus Lo Vigan. Ai agut mestier de mos 2 litres d'aiga que sus aquel bocin l'i a pas d'aiga dau tot. Trauche Lo Vigan vers lo sud e lo Chasteu d'Assas per trobar lo GR 7 en riba de l'Arre que segue d'aicia Avesa. Quau plaser aquela aiga que riala apres lo manca d'aiga amont-naut.
Quò es un tresaur d'aparar contra los trolhaires rapiares.
Ivon
15 juin 2011
Estapa 33 : Còl del Marcairès - Còl del Pas - Valarauga
08/05/11
Losera (48) – Gard (30)
GR 68 – PR
"I a pas de chastanha tan petita
que valha pas son grun de blat"
Marcela Delpastra Proverbis lemosins
De Còl en Còl o pusleu de Pas a Pas, quò es un montadavala regular mas ne’n ai una vision de l'espaci bela e mai n'i a degun pus .
Trobe una tropelada de rendonaires o ciclistas de temps en temps a costat de las rotas me prenen beleu per un associau chaminaire.
Au còl de Salidès, sus la rota estrecha que l'i se plantan los motards mai las veituras dau temps que ieu passe de monts en vaus. Faguei lo meteis bocin de chamin, en veitura en velò e a pès, e segur quo es a chada còp una sensacion differenta. En veitura sem dins una dimencion au còp dins un bocau e avem gaire l'enveja e et la possibilitat de se plantar ; a velò tot parier, doas dimensions que se plantam per bufar en pujar mas la melhora solucion es a pè qu'avem tres dimensions mai una per la cervela :)
Prene un brave chamin de terra vers l'Aire de Còsta e l'ostau ancian dau gardabòsc. Sem totjorn dins lo parc de la Cevena ; pas de fruchas de bòsc en aquesta saison mas de las gentias vusdas sus las montnhas de chade costat. L'ostau es vengut un gite e i a pas de punt d'aiga mas una font dins lo debas per se fregir e emplir la botelha d'aiga freja mas embestiolada un pauc.
Lo matin montei amb lo VTT au Còl del Pas (o au Pas del Còl, mot occitan dau passatge estrech). Lo GR per davalar vers Vilarauga alonjava la chaminada. Urosament un PR era indicat davant lo Pas (Vilarauga 6,9 Km). Quò es un brave sendareu que passa dins los plantadis ancians de chastanhs, l'aubra a pan nuricier de la Cevena. Turgot intendant dau rei Louis XV a desvelopar la cultura de la pomarterra en Lemosin maugrat la mesfianças daus paisans. Mas chau dire que la chastanhas culhidas eran pas assubjectida a la talha en contrari de las trufas qu'eran una cultura.
Puei trauche la rota e davale vers la Molhiera (vertadieramnt umida) e arribe dins la “banlega” de Vilarauga ont los ostaus son adobats e abitats (me semble) ; tanben vese amb plaser que las restancas son tornadas montar e netejadas. De las fruchas pertot : fijas, cereisas, cacaus e daus òrts asaigats amb de las plantacions de cebas douças de la Cevena ; quò es un país de Cocanha mas un pauc lonh de tot.
Vese tanben au bòrd de l'Aiga daus ostalas beus (manhanarias o filaturas de seda mas la seda de China puei artificiala faguet tot aplantar. Au pè de l'Aigoal, Vilalorga me para una beguda dins un estanquet populari animat per en fin me pausar.
Ivon
14 juin 2011
Estapa 33 : Còl del Marcairès - Còl del Pas - Valarauga
08/05/11
Losera (48) – Gard (30)
GR 68 – PR
De Còl en Còl o pusleu de Pas a Pas, quò un montadavala regular mas n’ai una vision de l'espacia bela e mai n'i a degun pus .
Trobe una tropelada de rendonaires o ciclistas de temps en temps a costat de las rotas me prenan beleu per un associau chaminaire.
Au còl de l'Espera sus la rota estrecha que s'i plantan los motards mai las veituras dau temps que ieu passe de monts en vaus. Faguere lo meteis bocin de chamin, en veitura, en velo e a pès e segur quo es a chada còp un passatge different, en veitura avem una dimencion au còp darrier lo bocau e gaire d'enveje e et de possibilitat de se plantar, a velo tot parier, doas dimensions a se plantar per bufar en pujar pas lo temps e mas la melhora a pè qu'avem tres dimensions mai una per la cervela
Prene un brave chamin de terra vers l'Aire de la Còsta e l'ostau ancian dau garde forestier. Sem totjorn dins lo parc de la Cevena ; pas de fruchas de bosc en aquesta saison mas de las gentias vusdas sus las montnhas de chade costat. L'ostau es vengut un gite mas i a pas de punt d'aiga mas una font dins lo debas per se fregir e emplir la botelha d'aiga freja mas embestiolada un pauc.
Lo matin monte amb lo VTT au Còl del Pas (o au Pas del Còl mot occitan dau passatge estrech). Lo GR per davalar vers Vilarauga alonjava la chaminada. Urosament un PR era indicat davant lo Pas (Vilarauga 6,9 Km). Quò es un brave sendareu que passa dins los plantadis ancians de Chastanhs, l'auba a pan nouricier de la Cevena. Turgot intendant dau rei Louis XV a desvelopar la cultura de la pomarterra en Lemosin maugrat la mesfianças daus paisans. Mas chau dire que la chastanhas culhidas eran pas assujetida a la talha en contrari de la trufas quera una cultura.
Puei trauche la rota a la Molhiera vertadieramnt umida e arribe dins la “banlega” de Vilarauga ont los oustaus son adobats e abitats me semble e tanben vese amb plaser que las restancas son tornadas montar e netejadas. De las fruchas pertot : fijas, cereisas, cacaus e daus òrts aigats amb de las plantacions de cebas douças de la Cevena ; quò es un país de Cocanha mas un pauc lonh de tot. Vese tanben au bòrd de l'Aiga daus ostalas beus (manhanarias o filaturas de seda mas la seda de China puei artificiala faguet tot cabussar. Au pè de l'Aigoal, Vilalorga m'offre una beguda dins in estanquet populari animat per enfin me pausar.
Ivon
